Bakı. 1 noyabr. REPORT.AZ/ Bu gün Hasilat Sənayesində Şəffaflıq (HSŞ) üzrə Komissiyanın üzvləri, vətəndaş cəmiyyəti və ölkədə fəaliyyət göstərən hasilat şirkətlərinin nümayəndələrindən təşkil edilmiş İşçi Qrupunun ilk iclası keçirilib.
Azərbaycan Dövlət Neft Fondunun (ARDNF) ictimaiyyətlə əlasqələr şöbəsindən “Report”a verilən məlumata görə, iclas ARDNF-in hasilat sənayesində şəffaflığa dair 2016-cı il üzrə hesabatının təkmilləşdirilməsi və yekunlaşdırılması məqsədi ilə keçirilib.
İclas zamanı İşçi Qrupunun üzvləri 2016-cı il üzrə HSŞ hesabatını ətraflı müzakirə edib, növbəti il üzrə HSŞ hesabatının təkmilləşdirilməsi ilə bağlı təkliflər veriblər.