[ 08 Aprel 2015 12:32 ]
Bakı – APA. Aprelin 8-nə keçən gecə Ukraynanın Odessa şəhərindəki 1 saylı Klinik Xəstəxanada atışma baş verib.
APA-nın “112.ua” saytına istinadən verdiyi xəbərə görə, atışma zamanı 1 nəfər ölüb, 2 nəfər yaralanıb. Atəş açan şəxslər BMW markalı qara avtomobillə qaçıblar. Hadisə yerində araşdırma aparan milisin operativ-istintaq qrupu travmatik silaha aid 9 millimetrlik 8 ədəd güllə gilizi aşkarlayıb. Hadisəni törədənlərin yaxalanması üçün əməliyyat keçirilir.
