Bakı. 2 yanvar. REPORT.AZ/ Polşanın baş naziri Mateuş Moraveçkiy bildirib ki, onun ölkəsi Yaxın Şərqdən və Şimali Afrikadan olan qaçqınları qəbul etməyəcək.
"Report" xəbər verir ki, bu barədə o, "TVP Info" telekanalının efirində bildirib.
"Biz "Haqq və Ədalət"in (Polşanın hakim partiyası - red) hələ 2015-ci ilin seçkilərinə qədər formalaşdırıdığı dəyişilməz mövqeyində qalırıq. Polşaya Yaxın Şərqdən və Şimali Afrikadan miqrantları qəbul etməyəcəyik. Bu, bizim suveren qərarımızdır", - deyə siyasətçi bildirib.