2017-ci ildə Naxçıvan Muxtar Respublikasında ümumi daxili məhsul istehsalı 2 mlrd. 701 mln. manatdan artıq olub.
Metbuat.az-ın Naxçıvan Dövlət Statistika Komitəsinə istinadən verdiyi məlumata görə, bu da bir il öncəki göstəricidən 1,5% çoxdur.
Hər bir nəfərə düşən ümumi daxili məhsulun dəyəri əvvəlki ilə nisbətən 3,6% artaraq 5 min 990 manat olub. Ümumi daxili məhsulun tərkibində ilk yeri 27,6%-lik payla sənaye tutub və maddi istehsalın payı 58,7% təşkil edib.
