Bakı. 26 yanvar. REPORT.AZ/ Neft İxrac Edən Ölkələr Birliyi (OPEC) bir sıra Afrika və Asiya ölkələri ilə onların neft hasilatının azaldılması na dair OPEC+ anlaşmasına qoşulması istiqamətində müzakirələr aparır.
"Report" Rusiya mətbuatına istinadən xəbər verir ki, bunu Küveytin neft naziri Bahit ər-Rəşidi deyib.
"Ümid edirəm ki, onlar 2018-ci ildə neft bazarının balanslaşdırılması ilə bağlı səylərimizə qoşulacaqlar", - deyə o, qeyd edib.
Ər-Rəşidi söhbətin konkret olaraq hansı ölkələrdən getdiyini açıqlamayılb. Xatırladaq ki, bir qədər əvvəl OPEC bəyan edib ki, bu ilin ilk yarısında qlobal neft bazarında balans əldə edilməyəcək.