Ermənistanın gələcəyini sual altına qoyan ƏMƏLİYYAT, iki seçim: ya PUTİN... – GÜNÜN SİYASİ XÜLASƏSİ

Paylaş

“Birgə səylərimizlə ATƏT Dağlıq Qarabağ münaqişəsinin həllinə töhfə verməyə davam edəcək”. Bu barədə Rusiya xarici işlər naziri Sergey Lavrov italiyalı həmkarı, ATƏT-in fəaliyyətdə olan sədri Ancelino Alfano ilə görüşün yekunlarına həsr olunmuş mətbuat konfransında deyib.

Lavrov qeyd edib ki, görüşdə ATƏT məkanındakı münaqişələri müzakirə ediblər.

“Dağlıq Qarabağda, Dnestryanıda münaqişələrin qarşısını almaq üçün səylərimizi davam etdirəcəyik. ATƏT Balkanlarda da işləməyə davam edəcək. Biz ATƏT-in Kosovada da aktiv rol oynamasını istəyirik”, - deyə o bildirib.

Sergey Lavrov Dağlıq Qarabağda ATƏT-in müşahidə missiyasının genişləndirilməsi ilə bağlı məsələni şərh edib. Lavrov bunun münaqişənin nizama salınması ilə bağlı ATƏT sədrinin şəxsi nümayəndəsinin ofisinin genişləndirilməsindən çox, təmas xəttində müşahidəçilərin sayının artırılması olduğunu deyib.

Lavrov qeyd edib ki, münaqişə zonasında etimad tədbirlərinin gücləndirilməsi ilə bağlı danışıqlar 2010-cu ildən davam edir.

Lavrov Qarabağ razılaşmasınının detallarını açdı və erməniləri SUSDURDU

A.Alfano isə təşkilati dəstəyin bütün formalarının məqsədə çatmaq üçün xeyirli olduğunu bildirib.

“Söhbət müsbət addımlardan gedir. Buna qədər görülən və bundan sonra da görüləcək işlər Helsinki Yekun Aktına uyğundur. Həmkarım Lavrovun bu istiqamətdə atdığı addımların münaqişənin həllini sürətləndirəcəyini düşünürəm. Minsk qrupuna dəstəyimizi davam etdirəcəyik. Bu, yeganə mümkün formatdır”, - deyə o bildirib.

Türkiyə Rusiyadan terrorçu Mihraç Uralın ekstradisiyasını tələb edib. Bunu jurnalistlərə açıqlamasında Türkiyə Xarici İşlər naziri Mövlud Çavuşoğlu söyləyib.

“Rusiyanın bizə verdiyi siyahıda bu terrorçu yox idi. Reaksiyamızı ortaya qoyduq, izahat tələb etdik. Rusiyadan həbs edilməsini və Türkiyəyə ekstradisiyasını istədik. Bu adam qırmızı bülletenlə axtarılan biridir. Bununla birbaşa Putin maraqlanır”, - deyə o bildirib.

Nazir həmçinin Türkiyənin Afrinlə bağlı heç kimə hesabat vermək fikrinin olmadığını deyib.

Qeyd edək ki, ən təhlükəli terrorçulardan hesab edilən Mihraç Ural THKP-C “Acilcilər” adlı terror qruplaşmasının rəhbəridir. O, Hatay vilayətində 52 nəfərin ölümü ilə nəticələnən terror aktının təşkilində şübhəli bilinir.

Afrində “Zeytun budağı” əməliyyatının gedişatında 800 terrorçu öldürülüb. Bu barədə Türkiyə Prezidenti Rəcəb Tayyib Ərdoğan deyib.

“ABŞ Türkiyə və Avrasiya ölkələrinin arasını vurmaq üçün təxribatlar törədə bilər”. Bunu “Beynəlxalq Avrasiya hərəkatı”nın rəhbəri, politoloq, Kremlin ideoloqu hesab edilən Aleksandr Duqin Türkiyənin “Aydınlıq” qəzetinə müsahibəsində deyib.

Duqin Ankara ilə Moskva arasındakı əlaqələrin əhəmiyyətinə diqqət çəkib.

Kremlin ideoloqu: “Bu, Türkiyə üçün asan olmayacaq”

ABŞ Suriya Demokratik Qüvvələri koalisiyasına dəstək göstərməyə davam edəcək. Bu barədə ABŞ Silahlı Qüvvələrinin Mərkəzi Komandanlığının rəhbəri general Jozef Votel jurnalistlərə açıqlamasında bir daha danışıb.

“Biz qeyd etməliyik ki, tərəfdaşlarımızı İŞİD-lə mübarizədə böyük itkilər veriblər. Suriya Demokratik Qüvvələrindən və İraq ordusundan minlərlə insan şəhərləri azad edərkən həlak olub. Buna görə də beynəlxalq ictimaiyyət onlara minnətdar olmalıdır. Onlar İŞİD-lə savaşdıqları müddət ərzində biz onlara kömək etməyə davam edəcəyik. Bu bizim hökumətin siyasətidir. Biz Türkiyənin öz sərhədləri ilə bağlı narahatlığını anlayırıq. Vaşinqtonun bu mövzuda Ankara ilə işləməsi vacibdir. Biz həmçinin ordumuzu Menbiçdən çıxarmayacağıq. Amerika əlindən gələn hər şeyi edir ki, bu baş verməsin”, – deyə o bildirib.

ABŞ öz ordusunu Fərat çayının şərqindən çıxarmalıdır. Bunu Fələstin intifadasına dəstək üzrə beynəlxalq konfransda çıxışı zamanı İran Ali Dini lideri Əli Xameneinin müşaviri Əli Əkbər Vilayəti söyləyib. Onun sözlərinə görə, ABŞ öz ordusunu çıxartmayacağı halda İran müəyyən addımlar atacaq:

“Vaşinqton Suriyanı parçalaya bilməyəcək. ABŞ-ın iki alternativi var: ya onlar öz ordularını Fəratın şərqindən çıxaracaqlar, ya da biz onları buna məcbur edəcəyik. Ağ Evin hədəfi Yaxın Şərq ölkələrini bölüb, onların üzərində nəzarəti saxlamaqdır. Suriya böhranı da bu planın bir parçasıdır”.

İraq və Suriyada ələ keçirdiyi torpaqların demək olar ki, hamısını itirən İŞİD terror təşkilatının lideri Əbubəkr əl-Bağdadi Afrikaya qaçıb. Bu haqda İŞİD üzrə mütəxəssis Hişam əl-Haşimi Böyük Britaniyanın “The Sun” qəzetinə bildirib.

O, Bağdadinin Niger-Əlcəzair sərhədinin qanundan uzaq bölgələrində, ya da Çadın şimalında gizləndiyini söyləyib. Haşimi İŞİD-in 43 əsas liderindən yalnız Bağdadi həyatda qaldığını deyib.

Bağdadinin qaçdığı yer məlum oldu – Yeni İŞİD bu ölkələrdə QURULACAQ

“Fərdi sanksiyaların tətbiqi olmadan dərc edilmiş “Kreml məruzəsi” hədəfin optik nişanla işarələnməsidir. Həmin siyahıya salınan şəxslərdən hər biri sanksiyaların altına düşə bilər”. Bu fikirlər “Russkaya Monitor” nəşrinin müxbiri ilə söhbətində maliyyəçi və siyasi şərhçi Slava Rabinoviç deyib.

Onun sözlərinə görə, ABŞ prezidenti Donald Tramp administrasiyasında ehtiyat addımlar var və onlar Rusiyanın qarşıdakı dövrdə davranışından asılı olaraq. Onun sözlərinə görə, Amerika administrasiyası “Kreml məruzəsi”nə daxil edilən oliqarxları çox ciddi seçim qarşısında qoyub.

İşğal planı niyə BAŞ TUTMADI? – Rusiyalı şərhçidən sensasiyalı İDDİALAR

Bu, mübarizə aparmalı olduğumuz iki bənzərsiz qapışmadır, bəzi amillər mane olur, amma onlar eyni deyil. Bu sözləri Pentaqonun ikinci şəxsi hesab edilən ABŞ Baş Qərargahının rəis müavini, ordu-generalı Pol Selva ABŞ-ın Çin və Rusiya ilə mümkün münaqişələrinin necə olacağı ilə bağlı danışarkən deyib.

"Çin ilə qarşıdurma ilk növbədə dəniz və havada keçəcək, qurudan ordu ikinci dərəcəli rol oynayacaq. Rusiya ilə isə əvvəlcə quru və hava qoşunlarına müraciət ediləcək, ancaq dəniz qüvvələri də mühüm rol oynayacaq. Çünki Şimali Atlantiki keçmədən Rusiyaya hücum edə bilməzsiniz", - Selva söyləyib.

ABŞ və İngiltərə Qara dənizdə ortaq hərbi təxribat hazırlayır. Bu barədə Rusiyanın hərbi mütəxəssisi Aleksandr Jilin deyib.

ABŞ və İngiltərə Rusiyaya qarşı birləşdi - Gərginlik PİK HƏDDƏ

NATO-nun müdaxiləsi Liviyada münaqişəyə gətirib çıxardı, Rusiya problemin milli dialoq yolu ilə həllini dəstəkləyirdi. Bunu Rusiyanın Xarici İşlər Nazirliyinin başçısı Sergey Lavrov italiyalı həmkarı Ancelino Alfano ilə görüşdən sonra keçirilən mətbuat konfransında deyib.

Onun sözlərinə görə, NATO-nun təcavüzü Liviyada vəziyyətin nizama salınması üzrə səyləri lap əvvəldən dağıtdı.

“Nəticədə, Liviya boz zonaya çevrildi, regionda döyüşçülərin sayı və silah qaçaqmalçılığı artdı və İtaliya da daxil olmaqla, Avropa ölkələri üçün nəhəng problemlər yaradan miqrant dalğası yarandı”, - rusiyalı diplomat bildirib.

Qeyd edək ki, 2011-ci ildə Müəmmər Qəddafinin silahlı konfliktlə devrilməsi və qətlindən sonra Liviya vətəndaş müharibəsi vəziyyətindədir. Ölkədə ikihakimiyyətlilik yaranıb.

“Bu münaqişəni NATO-nun müdaxiləsi yaratdı” – Lavrovdan İTTİHAM

Rusiyanın Nijni-Novqorod şəhərində İŞİD terror qruplaşmasının üzvü məhv edilib. Bu haqda Rusiya Federal Təhlükəsizlik Xidmətinin ictimaiyyətlə əlaqələr mərkəzindən bildirilib.

Terrorçu yaxın xarici ölkələrindən birinin vətəndaşı olub. O, Rusiyada prezident seçkiləri günündə terror hücumunun həyata keçirlməsini hazırlayırdı. İŞİD üzvü tutulma zamanı təhlükəsizlik əməkdaşlarına silahlı müqavimət göstərib və o, nəticədə məhv edilib.

Axtarışlar nəticəsində partlayıcı gücü böyük olan əldəqayırma qurğu, onun istehsali üçün istifadə edilən komponentlər, bir neçə bomba, odlu silah və sursat aşkarlanıb.

Qeyd edək ki, Rusiyada prezident seçkiləri 2018-ci il martın 18-də keçiriləcək.

Ömər Dağlı