Bakı. 25 fevral. REPORT.AZ/ Madridin "Real" klubu futbol üzrə İspaniya çempionatının 25-ci turunda "Alaves" üzərində 4:0 hesablı qələbə qazanıb.
“Report” xəbər verir ki, portuqaliyalı hücumçu Kriştianu Ronaldu komandanın heyətində dubl edib.
Bununla da o, Madrid klubunun heyətində keçirdiyi son 7 matçda 12-ci qolunu vurub.
"Real" bu qələbə sayəsində xallarının sayını 51-ə çatdırıb və hazırda Madrid "Atletiko"sundan 4 (2-ci yer), lider "Barselona"dan isə 14 xal geri qalmaqla 3-cü pillədə qərarlaşıb. "Alaves"in aktivində 28 xal var və komanda turnir cədvəlində 16-ci yerdədir.
