Rusiyanın Kamçatka diyarında fərdi evdə güclü yanğın baş verib.
APA-nın “İnterfaks” agentliyinə istinadən verdiyi xəbərə görə, hadisə Petropavlovsk-Kamçatsk şəhərində qeydə alınıb.
Yanğın söndürüldükdən sonra hadisə yerində 5 nəfərin, o cümlədən 2 və 9 yaşlı uşağın yanmış meyiti aşkarlanıb.
İlkin versiyaya görə, yanğına səbəb elektrik xəttində qısa qapanma olub. Faktla bağlı cinayət işi açılıb, araşdırma aparılır.
