Düşmən ölkə üçün KRİTİK SAAT, müharibənin başlayacağı AY… - GÜNÜN SİYASİ XÜLASƏSİ

Paylaş

Azərbaycan Respublikasının Prezidenti İlham Əliyev aprelin 24-də Türkiyə Respublikasına rəsmi səfərə gedib.

İlham Əliyev Türkiyəyədədir - FOTO (YENİLƏNDİ)

Serj Sarkisyanın baş nazir seçilməsinə qarşı keçirilən etiraz aksiyalarının lideri, Vətəndaş müqaviləsi” Partiyasının rəhbəri, “Yelk” parlament fraksiyasının deputatı Nikol Paşinyan aprelin 25-də Ermənistanın baş nazir vəzifəsini müvəqqəti icraçısı Karen Karapetyanla görüşəcək. Bu haqda Nikol Paşinyanın özü bildirib.

Onun sözlərinə görə, Karapetyanla danışıqlar yerli vaxtla saat 11:00-da “Armeniya-Mariott” mehmanxanasında başlayacaq.

Parlamentin deputatı dünənki mitinqdə elan edib ki, siyasi dialoqun təklif edilmiş gündəliyi qüvvədə qalır.

Ermənistan üçün kritik saat açıqlandı – Kremlin adamı danışıqlara başlayır: SON ÜÇ TƏLƏB

Ermənistan müxalifəti aprelin 25-də yerli vaxtla saat 19:00-da İrəvanın Respublika meydanında növbəti mitinq keçirəcək. Bu haqda kütləvi etirazların təşkilatçısı, “Mənim addımım” təşəbbüsünün lideri, “Vətəndaş müqaviləsi” partiyasının başçısı Nikol Paşinyan bildirib.

“Biz bu gün bütün imkanlardan istifadə edəcəyik. Müəyyən siyasi konsultasiyalar təşkil edirik”, - o deyib.

İsrailin Suriyanın T-4 bazasına hücumuna görə İran intiqam almağa çalışacaq. Bunu jurnalistlərə açıqlamasında İsrailin xarici kəşfiyyat xidməti olan MOSSAD-ın keçmiş rəhbəri Amos Yadlin deyib.

“Buna sübut İran İslam İnqilabı Keşikçiləri Korpusunun İsrailin havadan müdafiə sistemini sıradan çıxaracaqları ilə bağlı bəyanatıdır. SEPAH dediyi kimi bizim sistemlərimizi məhv edə bilməz, amma onlar İsrailə böyük zərər verə bilərlər. May ayı bizim üçün çox ağır keçəcək”, – deyə o bildirib.

Bəşər Əsəd rejimi rus istehsalı silahları bizə qarşı istifadə etsə, İsrail Suriyaya hücum edəcək. Bu sözləri İsrailin Müdafiə naziri Aviqdor Liberman deyib.

“Bizim üçün vacib olan Rusiyanın Suriyaya verdiyi müdafiə silahlarının İsrailə qarşı istifadə edilməməsidir. Bizə qarşı istifadə edilsə, onlara hücuma başlayacağıq”, - nazir bildirib.

Qeyd edək ki, Rusiya Suriyanın hava hücumundan müdafiə qabiliyyətini yüksəltmək üçün bu ölkəyə S-300 zenit-raket kompleksləri verəcəyini açıqlayıb.

G7 (“Böyük yeddilik”) ölkələri Donbas münaqişəsində görə Rusiyaya qarşı sanksiyaları sərtləşdirə bilər. Bu haqda G7-nin xarici işlər nazirlərinin Torontoda keçirilən görüşdə qəbul etdikləri bəyanatda deyilir.

“Biz xatırladırıq ki, Donbas münaqişəsi üzrə iqtisadi sanksiyaların ləğvi Minsk razılaşmalarının Rusiya tərəfindən tam icrası ilə bağlıdır. Rusiya öz öhdəliklərini tamamilə yerinə yetirərsə, bu sanksiyalar ləğv edilə bilər”, — rəsmi məlumatda deyilir.

“Böyük yeddilik” həmçinin dünyada vəziyyətin destabilizasiyasında Rusiyanı ittiham edib. Eyni zamanda, G7 ölkələri regional böhranlar və qlobal çağırışlar üzrə Rusiya tərəfi ilə əməkdaşlıq etməyə hazır olduğunu ifadə ediblər.

ABŞ beynəlxalq münasibətlərdə hegemon rolunu saxlamaq üçün dünya dövlətlərini yeni qızğın silahlanmaya itələyir. Bu haqda Rusiyanın müdafiə naziri Sergey Şoyqu bildirib.

“Dünya yenidən bölüşdürülür və...” – Moskva ABŞ-ın QORXUNC PLANINI AÇIQLADI

ABŞ Şimali Koreya ilə bağlı heç bir mövzuda güzəştə getməyəcək. Bunu Ağ Evin mətbuat katibi Sara Sanders mətbuat konfransında bildirib.

“Məqsəd Koreya yarımadasının nüvədən təmizlənməsidir. Şimali Koreyadan bu mövzuda tərəddüdsüz addım atana qədər bu ölkə üzərindəki təzyiq maksimum olacaq. Pxenyan hökumətinin etdiyi cəhdlərin fərqindəyik. Ancaq daha gediləcək çox yol var” -, sözçü qeyd edib.

Qeyd edək ki, Şimali Koreya Seul və Vaşinqton hökumətləri ilə keçirəcəyi zirvədən öncə nüvə və qitələrarası ballistik raket sınaqlarına son verəcəyini açıqlamışdı. ABŞ prezidenti Donald Tramp Pxenyan hökumətinin qərarını tvitterdən verdiyi açıqlama ilə alqışlamış və gözəl bir xəbər olduğunu vurğulamışdı.

Xatırladaq ki, Şimali Koreya lideri Kim Çen Inın iyun ayına qədər Donald Trampla görüşməsi planlaşdırılır.

Ömər Dağlı