Ermənistan üzərində növbəti QƏLƏBƏ, 5 bəndlik PLAN... – HƏFTƏNİN SİYASİ XÜLASƏSİ
Paylaş
160 baxış·17 dəq oxu
1992-ci ildə erməni silahlı birləşmələri tərəfindən
işğal edilən Şərur rayonunun Günnüt kəndi 26 ildən sonra Azərbaycan
Ordusunun nəzarəti altına keçib. Ermənistanın xarici işlər naziri
müharibəyə səbəb olacaq açıqlamalar verib. Ermənistanda qədim
Azərbaycan torpağı Naxçıvanla bağlı iddialar yenidən gündəmə gəlib.
Nikol Paşinyan Azərbaycan Prezidenti İlham Əliyevlə Dağlıq Qarabağ
üzrə danışıqlara hazır olduğunu açıqlayıb. ATƏT-in Minsk qrupunun
həmsədrləri iyunun 13-də Ermənistana səfər edəcəklər. Türkiyə və
ABŞ YPG-nin Münbiçdən çıxarılması mövzusunda razılaşıblar. Türkiyə
Silahlı Qüvvələri Afrindən sonra PKK-nın əsas bazası olan Qəndili
təmizləmək üçün hərəkətə keçib. İranın nüvə fəaliyyət 2015-ci il
sazişi çərçivəsində qalacaq. Moskvada Rusiya və Ermənistan xarici
işlər nazirləri arasında görüş keçirilib.
Azərbaycan, Dağlıq Qarabağ
1992-ci ildə erməni silahlı birləşmələri tərəfindən
işğal edilən Şərur rayonunun Günnüt kəndi 26 ildən sonra Azərbaycan
Ordusunun nəzarəti altına keçib. Bu barədə Əlahiddə
Ümumqoşun Ordunun Mətbuat xidmətindən məlumat verilib.
Naxçıvanda 11 min hektardan artıq ərazi düşməndən azad edilib - RƏSMİ
Ermənistanın xarici işlər naziri Zoqrab Mnasakanyan
“Azadlıq” radiosuna müsahibəsində yenə müharibəyə səbəb olacaq
açıqlamalar verib. Mnasakanyan Dağlıq Qarabağın
danışıqlarda iştirak hüququna malik olduğunu iddia edib.
“Hesab edirik ki, Dağlıq Qarabağ danışıqlarda həlledici səs
malikdir”, - deyə o bildirib.
Qeyd edək ki, Ermənistanın Qarabağda yaratdığı qondarma rejimin
danışıqlarda tərəf kimi iştirak etməsi təklifi ciddi rezonansa
səbəb olub. Rusiya tərəfi bunun qeyri-konstruktiv mövqe olduğunu
bəyan edib. Ekspertlər bu məsələnin münaqişə zonasında yeni
müharibəyə səbəb ola biləcəyini düşünürlər.
Ermənistanın işğal etdiyi əraziləri azad etməsi və
Dağlıq Qarabağ münaqişəsinin təcili şəkildə həlli edilməsi ilə
bağlı fikirlərlə daim gündəmə gələn keçmiş prezident, “Erməni milli
konqresi” partiyasının lideri Levon Ter-Petrosyan Azərbaycanın
işğal edilmiş Dağlıq Qarabağ bölgəsində yaşayan ermənilərin İrəvan
tərəfindən Xankəndində yaradılmış qondarma rejimə etiraz etməsini
şərh edib. Ter-Petrosyan İrəvandakı inqilabın
Xankəndinə yayılmasının təhlükəli olduğunu bildirib.
Ərazilərin qaytarlmasını tələb edən Ter-Petrosyandan QARABAĞLA BAĞLI ŞOK ÇAĞIRIŞ
Azərbaycanın işğal edilmiş Dağlıq Qarabağ
bölgəsindəki ermənilərin qondarma rejimə qarşı aksiyası başa
çatıb. Bundan sonra baş verəcəklər haqda müxtəlif
proqnozlar səsləndirilir. Ermənistan mediası etiraz aksiyasının
səbəblərini araşdırır.
Erməni siyasi şərhçi Tevos Arşakyan yazır ki, Xankəndində
ermənilərin ayağa qalxmasının bir sıra dərin səbəbləri var.
Qarabağdakı aksiyada Azərbaycan MƏQAMI: erməni şərhçilər HƏR ŞEYİ AÇDI
Bir müddət öncə Azərbaycan Ordusunun Naxçıvan
cəbhəsində işğalçı ermənilərə ağır zərbə vurduğu və bir neçə
strateji yüksəklikləri azad etməsi haqqında məlumatlar
yayıldı. Bu xəbər rəsmi təsdiqini tapmasa da, sosial
şəbəkələrdə azad edilmiş hündürlüklərin fotosunun yayılması
ehtimalları artırdı. Xüsusilə bu fotoların Ermənistan mediası
tərəfindən yayılması diqqət çəkdi.
Rusiyanın “Rosbalt” agentliyi Naxçıvan cəbhəsində baş verənləri
və Qarabağ münaqişəsi ətrafında cərəyan edən prosesləri
araşdırıb.
Ordumuz 3 postu, bir neçə kəndi azad etdi və... - “Rosbalt” döyüşün TƏFƏRRÜATLARINI YAYDI
Azərbaycanın işğal olunmuş Dağlıq Qarabağ bölgəsində
və Tiflisdə baş verən aksiyaların arxasında ABŞ
dayanır. Bu iddia ilə “politikus” saytı çıxış
edib.
Sayt yazır ki, Vaşinqton Azərbaycanın “Cənub qaz dəhlizi”
layihəsinə xüsusi önəm verir: “Amerikalılar gələcəkdə bu layihəni
genişləndirmək və Ermənistanı da bu layihəyə qoşmağı planlaşdırır.
Bunun üçün Dağlıq Qarabağ münaqişəsini həll etmək və yalnız bundan
sonra qazın Ermənistan ərazisindən çıxarılması mümkün ola bilər. Bu
məqsədlə ABŞ Cənubi Qafqazda vəziyyəti nəzarətdən çıxarır.
Gürcüstandakı aksiyalar da əslində son vaxtlar Rusiya ilə
münasibətləri yoluna qoymaq istəyən hakimiyyətin dəyişməsinə
hesablanıb”.
Məqalədə qeyd olunur ki, Dağlıq Qarabağ ABŞ-a iki səbəbə görə
mane olur.
“Birincisi, oradakı rejim Rusiyaya dost münasibəti bəsləyən
“Qarabağ klanı”na bağlıdır. İkincisi, bu münaqişə Rusiyadan yan
keçərək Avropaya qaz daşınmasına mane olur. Hesab etmək olar ki,
Vaşinqton Rusiya sərhədlərində “gərginlik qövsü” yaratmaqla
hədəfinə nail olmaq istəyir”, - deyə sayt vurğulayıb.
Ermənistanda qədim Azərbaycan torpağı Naxçıvanla
bağlı iddialar yenidən gündəmə gəlib. Erməni
politoloq Levon Şirinyan bir az da irəli gedərək, bu il ərzində
Naxçıvanı Ermənistan ərazisinə qatacaqlarını iddia edib.
“Biz bu il Naxçıvan məsələsini bağlayacağıq. Birincisi,
siyasi-hüquqi mənada. Xarici İşlər Nazirliyində hesab edirlər ki,
vəziyyət dəyişib və Naxçıvanın “erməni torpağı” olması ilə bağlı
siyasi-hüquqi sənədlər hazırlanacaq və beynəlxalq təşkilatlara
veriləcək. Lazım olacaqsa, müharibəyə də başlayacağıq”, - deyə o
bildirib.
Ermənistan parlamentinin xüsusi iclasında baş nazir
Nikol Paşinyan iyunun 7-də yeni hökumətin proqramını
açıqlayıb. Proqramda Dağlıq Qarabağla bağlı punkt
diqqət çəkir.
Paşinyandan Qarabağla bağlı İNANILMAZ ADDIM: müharibə çağırışı rəsmən TƏTİKLƏNDİ
İyunun 7-də Moskvada Rusiya xarici işlər naziri
Sergey Lavrov və Ermənistan xarici işlər naziri Zoqrab Mnasakanyan
arasında görüş keçirilib. Görüşün yekunlarına həsr
olunmuş birgə mətbuat konfransında Lavrov qeyd edib ki, Rusiya həm
Bakı, həm də İrəvanla ikitərəfli, eləcə də ATƏT-in Minsk qrupunun
digər həmsədr ölkələri ilə birlikdə Qarabağ münaqişəsinin həll
yolunun tapılmasına kömək etməyə davam edəcək.
Rusiya xarici işlər naziri Sergey Lavrov erməni həmkarı Zoqrab
Mnasakanyanla görüşün yekunlarına həsr olunmuş birgə mətbuat
konfransında Ermənistanın Qarabağın danışıqlarda tərəf kimi
iştirakı ilə bağlı istəyinə münasibət bildirib. Lavrov Azərbaycan
və Ermənistanın bu məsələdə razılaşacağı təqdirdə, Rusiyanın bunu
alqışlayacağını deyib.
Lavrov əlavə edib ki, Rusiyanın Dağlıq Qarabağ münaqişəsi ilə
bağlı mövqeyi dəyişməz olaraq qalır: “Bu mövqe Qarabağ
münaqişəsinin hər zaman Minsk Qrupu vasitəsi ilə danışıqlar yolu
ilə aparılmasından ibarətdir. Bu, ən optimal variantdır”.
Ermənistanın baş naziri Nikol Paşinyan Azərbaycan
Prezidenti İlham Əliyevlə Dağlıq Qarabağ üzrə danışıqlara hazır
olduğunu açıqlayıb. Paşinyan danışıqlar üçün yenə də
beynəlxalq hüquqa uyğun olmayan və danışıqlar prosesinin ruhuna
zidd şərtini irəli sürüb.
O, Dağlıq Qarabağın danışıqlarda iştirakının əsas şərtləri
olduğunu açıqlayıb.
“Mən arzulasam belə “Qarabağ xalqı” adından danışıqları apara
bilmərəm. Bu nə hüquqi, nə siyasi, nə də əxlaqi prinsipə uyğun
deyil. “Qarabağ xalqı” öz “hakimiyyətinə”, “Milli Məclisə”,
“hökumətə” və “prezidentə” malikdir və onlar öz “qanuni
nümayəndəsini” təqdim edə bilər”, - deyə Paşinyan parlamentin
xüsusi iclasında çıxışı zamanı bildirib.
Paşinyan əlavə edib ki, ATƏT-in Minsk qrupu çərçivəsində
Azərbaycan Prezidenti ilə danışıqlar aparmağa hazırdır.
“Əgər Bakı müharibəyə hazırlaşırsa, biz niyə sülhə
hazırlaşmalıyıq?”. Bu iddia ilə Ermənistanın baş
naziri Nikol Paşinyan parlamentin xüsusi iclasında çıxış edib.
Onun sözlərinə görə, Azərbaycan müharibədən danışdığı halda
Ermənistan hakimiyyəti güzəştlər haqqında danışmağı yanlış hesab
edir.
“Əgər Azərbaycan müharibə variantını əsas götürürsə, Ermənistan
niyə sülhə hazırlaşmalıdır. Biz danışıqların konstruktivliyinə
tərəfdar olacağıq, lakin heç vaxt adekvatlılığı itirməyəcəyik. Biz
bir dəfə qalib gəlmişik, qalibiyyət ruhu gələcək qələbələrə də inam
yaradır”, - deyə Paşinyan Azərbaycanı müharibə ilə hədələyib.
“Ermənistan rəhbərliyi tərəfindən verilən bu kimi
açıqlamaları münaqişənin həlli üzrə danışıqlar prosesini pozmağa və
işğala əsaslanan status-kvonu saxlamağa yönəlmiş qeyri-konstruktiv
addım kimi qiymətləndiririk”. Bu barədə Xarici İşlər
Nazirliyinin mətbuat xidmətinin rəhbəri Hikmət hacıyev Ermənistanın
baş nazirinin çıxışına münasibət bildirərkən deyib.
XİN-dən Paşinyana sərt reaksiya
Ermənistanın xarici işlər naziri Zoqrab Mnasakanyan
Moskvaya səfəri öncəsi “Dağlıq Qarabağ danışıqlar masasında əsas
sözə sahib olmalıdır”, - açıqlamasını verdi. Rusiyalı
ekspertlər Ermənistanın Qarabağ planını şərh edib.
Qarabağ probleminin yeganə HƏLLİ YOLU BUDUR - Ruslar bütün detalları AÇDI
İyunun 8-də ATƏT-in fəaliyyətdə olan sədrinin şəxsi
nümayəndəsi Anjey Kaspşik Azərbaycanın işğal olunmuş Dağlıq Qarabağ
bölgəsinə gəlib. Kaspşik Xankəndində separatçı
rejimin “prezidenti” Bako Saakyanla görüşüb.
Görüşdə təmas xəttindəki vəziyyət müzakirə olunub.
Ermənistanın xarici işlər naziri Zoqrab Mnasakanyan
Rusiyanın “Kommersant” nəşrinə müsahibəsində Dağlıq Qarabağ
münaqişəsindən və ərazilərin qaytarılması ehtimalından
danışıb. Nəşrin “İrəvandan Qarabağ münaqişəsinin
nizamlanmasında yeni yanaşmalar gözləmək olarmı? Güzəştlər
olacaqmı, xüsusilə 2016-cı ildə “aprel müharibəsi”ni
xatırlayarkən...” sualına cavabında Mnasakanyan “Bizdə 2016-cı ilin
“aprel müharibəsi”nin ağır amili qalır, həmçinin, danışıqların
dinamikası və ATƏT-in Minsk qrupu formatı var”, - deyə cavab
verib.
Mnasakanyan qeyd edib ki, onlar danışıqlar masasındakı detalları
qiymətləndirirlər.
“Bizim həmsədrlər formatı çərçivəsində sülh nizamlanması kursunu
davam etmək niyyətimiz var. Lakin bizim üçün əsas amil Dağlıq
Qarabağ “xalqı”nın təhlükəsizliyi və Qarabağın statusudur. Biz sülh
və bütün regionun təhlükəsizliyi üçün danışıqlar prosesini davam
etdirmək istəyirik”, - deyə o bildirib.
Ermənistan
ATƏT-in Minsk qrupunun həmsədrləri iyunun 13-də
Ermənistana səfər edəcəklər. Bu haqda Ermənistanın
Xarici İşlər Nazirliyinin mətbuat katibi Tiqran Balayan
bildirib.
“İrəvanda vasitəçilər və Xarici İşlər Nazirliyinin başçısının
birinci görüşü olacaq. Görüşdə həmçinin sonrakı addımlar və
hərəkətlər müzakirə ediləcək”, - o qeyd edib.
Ermənistanın Respublika Partiyasından olan bir neçə
deputat partiyasının parlament fraksiyasından çıxmağa qərar
verib. Bu haqda TASS agentliyinin müxbirinə
deputatların yaxın ətrafındakı mənbə bildirib.
Sarkisyanın qisas şansı QALMADI - 19 ildə ilk dəfə...
Ermənistanda Nikol Paşinyan hakimiyyətə gəlsə də,
parlamentdə əsas çoxluq hazırda müxalifətə keçən Respublika
Partiyasındadır. Bu isə faktiki olaraq, İrəvanda
ikihakimiyyətliliyin yaranmasına səbəb olub. Ermənistan mediası
Respublika Partiyasının qanunverici orqanda çoxluq təşkil etməsinin
yeni hökumətin işinə ciddi maneələr yaratdığını yazır. Erməni
ekspertlər isə hakimiyyətin ikiyə bölünməsinin Dağlıq Qarabağ
məsələsində İrəvanın mövqelərinə ciddi zərbə vurduğunu
deyirlər.
İrəvanda hakimiyyət parçalandı: Bakı bu planı İŞƏ SALIR - Melikyandan XƏBƏRDARLIQ
Gürcüstanın ermənilərin kompakt yaşadığı Cavaxetiya
bölgəsində ASAL-a terror təşkilatı yenidən qurulur.
Bu barədə Beynəlxalq Əsilsiz Erməni İddiaları ilə Mübarizə
Dərnəyinin (ASİMDER) rəhbəri Göksel Gülbey deyib.
ASALA-nın bu bölgədə yenidən “dirilməsi”nin strateji hədəfi
var.
ASALA Bakıya hücum və dənizə çıxış planı üçün HƏRƏKƏTƏ KEÇDİ - ASİMDER FOTOFAKTLAR YAYDI
Türkiyə, İran, Yaxın Şərq
Rusiyadan “S-400” zenit-raket komplekslərinin
alınmasına cavab olaraq “F-35” beşinci nəsil
qırıcı-bombardmançıların Türkiyəyə satılmasına qarşı atılan
addımlar Vaşinqton və Ankara arasında gərginliyə səbəb
olur. Bunu Vaşinqtonda ABŞ-ın dövlət katibi Mayk
Pompeo ilə nəzərdə tutulan görüş ərəfəsində Türkiyənin Xarici İşlər
Nazirliyinin başçısı Mövlud Çavuşoğlu bildirib.
Kritik görüş öncəsi Ankaradan Vaşinqtona MESAJ
Vaşinqtonda Türkiyənin xarici işlər naziri Mövlud
Çavuşoğlu və ABŞ-ın dövlət katibi Maykl Pompeo arasında görüş
keçirilib. Görüşdə “F-35” təyyarələrin Türkiyəyə
çatdırılması, ikitərəfli münasibətlər, FETÖ və YPG terror
təşkilatlarına mübarizə kimi mövzular müzakirə olunub.
“Biz ABŞ tərəfinin nəzərinə çatdırdıq ki, Konqresin istifadə
etdiyi təhdid dilini qəbul etmirik. Bu, qeyri-konstruktivdir. İlk
F-35 təyyarəsi, əvvəl planlaşdırıldığı kimi, iyunun 21-də bizə
veriləcək. Bu mövzuya dair heç bir dəyişiklik yoxdur”, - deyə
M.Çavuşoğlu qeyd edib.
Ankara “S-400” zenit-raket komplekslərinin
çatdırılmaları üzrə Rusiya ilə imzalanan razılaşmanın ləğv edilməsi
barədə Vaşinqtonun tələbini rədd edib. Bu haqda
diplomatik mənbələrə istinadən “Hürriyət” qəzeti bildirir.
Türkiyə ABŞ-ın tələbini rədd etdi – Mənbə DETALLARI AÇDI
“Münbiçin YPG-dən təmizlənməsi bir neçə ayda 3
mərhələdə tamamlanacaq. Silahlar YPG-dən alınacaq”.
Bunu amerikalı həmkarı Maykl Pompeo ilə iyunun 4-də Vaşinqtonda
keçirdiyi görüşün nəticələrini şərh edən Türkiyənin Xarici İşlər
Nazirliyinin başçısı Mövlud Çavuşoğlu bildirib.
Çavuşoğlu “yol xəritəsi”nin icrasında heç bir üçüncü ölkənin rol
almayacağını söyləyib.
Türkiyə Silahlı Qüvvələri Suriyanın şimalında PKK
terror təşkilatının əsas bazası olan Afrini “Zeytun budağı”
hərəkatı ilə təmizlədikdən sonra İraqın şimalında PKK düşərgələrinə
qarşı əməliyyatlara başlayıb. Müvəffəqiyyətli
əməliyyatlarla İraqın şimalında Hakurk, Bermize, Kalereş və Sidekan
yaşayış məntəqələrinin yerləşdiyi Bradost bölgəsində nəzarət
tamamilə təmin edilib.
Bununla da, Türkiyə ordusu Şimali İraqda 22 kilometr dərinliyə
çatıb.
"Mehmetcik" öldürücü zərbə vurmağa HAZIRDIR - Ərdoğan ANONS VERMİŞDİ
Qeyd edək ki, Türkiyə prezidenti Rəcəb Tayyib Ərdoğan dünən
Diyarbəkrdə mitinqdə çıxışı zamanı Qəndil əməliyyatının anonsunu
verib.
“Təbii ki, bir gün Qəndilə də növbə çatacaq”, - Ərdoğan
söyləyib.
Şimali İraqda əməliyyat 3 aydır davam etsə də, böyük
əməliyyat hələ başlamayıb. PKK-ya tarixi zərbəni endirəcək
genişmiyaslı əməliyyatın başlanması an məsələsidir.
Qəndil üçün xüsusi əməliyyat planı hazırlanıb. Terror yuvası döyüş
təyyarələri tərəfindən günlərlə bombardman ediləcək və beləliklə,
Qəndil əməliyyat üçün hazır vəziyyətə gətiriləcək.
Türkiyə KİV-inin yazdığına görə, genişmiqyaslı əməliyyatda
aşağıdakı məqamlar nəzərə alınacaq.
Böyük əməliyyat hər an BAŞLAYA BİLƏR – 5 bəndlik PLAN
Türkiyə prezidenti Rəcəb Tayyib Ərdoğan CNN Türk –
Kanal D ortaq canlı yayımında qonaq olub. Qəndil və
Sincar bölgələrinə təşkil edilən hərbi əməliyyatları dəyərləndirən
prezident canlı yayımda yeni hərəkatın siqnalını verib.
Ərdoğan yeni hərbi hərəkatın SİQNALINI VERDİ: "Bağdad işi həll etməsə, o bölgəni vuracağıq"
“Haber7” saytının mənbələrdən əldə etdiyi məlumata
əsasən, Qəndil əməliyyatı zamanı Şri-Lanka ordusunun “Tamil
Pələngləri” terror təşkilatına qarşı əməliyyatda həyata keçirdiyi
strategiya tətbiq olunacaq.
Düşmən belə MƏHV EDİLƏCƏK - Tarixin sınağından keçmiş STRATEGİYANIN DETALLARI
Suriyanın Münbiç mahalı PKK terror təşkilatının
Suriya qolu olan YPG-dən təmizlənir. Türkiyənin
Xarici İşlər Nazirliyinin başçısı Mövlud Çavuşoğlunun iyunun 4-də
etdiyi Vaşinqton səfərində təsdiqlənən “yol xəritəsi”nə əsasən YPG
3 ay ərzində Fərat çayının şərqinə keçməlidir.
Sazişlə bağlı ən maraqlı məsələ iki ildən çoxdur ki, Türkiyənin
Münbiçlə bağlı tələblərinə qulaq asmayan ABŞ-ın niyə Ankaranın
istədiyi nöqtəyə gəlməsidir. Bunun 4 təməl səbəbinin olduğu
bildirilir.
Türkiyə-İran müharibəsi və... - Ankara-Vaşinqton razılaşmasının 4 SƏBƏBİ
“İranın nüvə fəaliyyət 2015-ci il sazişi
çərçivəsində qalacaq”. Bu haqda İranın Atom Enerjisi
Təşkilatının başçısı Əli Əkbər Salehi bildirib.
O, ABŞ-ın nüvə sazişindən çəkilməsinə baxmayaraq, Tehranın
beynəlxalq vasitəçilərlə imzaladığı sazişə riayət edəcəyini
açıqlayıb.
Qeyd edək ki, Əli Əkbər Salehinin bu bəyanatının İran ali dini
lideri Ayətullah Əli Xameneinin dünən səsləndirdiyi bəyanatla zidd
olması çaşqınlıq yaradıb. Xamenei qeyd edib ki, İran xalqı və
dövləti nə sanksiyanın olmasını, nə də “nüvə texnologiyasının
həbsini” qəbul edəcək.
“İranın Atom Enerji Təşkilatı borcludur ki, tez bir zamanda
Hərtərəfli Birgə Fəaliyyət Planı çərçivəsində sentrifuqaların
sayının 190 min SWU-a (izotop ayırma qabiliyyəti) çatdırılması üçün
işlərə başlasın”, - o bildirib.
ABŞ-ın İrana qarşı sanksiyaları yalnız
artacaq. Bunu Demokratiyanın Müdafiəsi Fondunda
çıxışı zamanı ABŞ Maliyyə nazirinin müavini Siqal Mandelker deyib.
Onun sözlərinə görə, İran öz davranışlarını dəyişməlidir:
“Bizim sanksiyaların yalnız artacaq və daha ağrılı olacaq. İran
kursunu dəyişməlidir. ABŞ-ın bütün tərəfdaşları birləşərək İrana
qarşı sanksiyalara qatılmalıdırlar. Hər kəsi əlavə addım atmasıyla
bağlı xəbərdar edirəm”.
İranyönlü qüvvələr və “Hizbullah” Suriyadan
terrorizm sona çatana və ölkənin ərazi bütövlüyü bərpa olunana
qədər getməyəcək. Bunu “RİA Novosti”agentliyinə
açıqlamasında Livan parlamentinin spikeri Nabih Berri deyib. Onun
sözlərinə görə, İrana bağlı olan qüvvələr Suriyada rəsmi Dəməşqin
xahişi ilə döyüşürlər.
O, “Hizbullah”ın Suriyadan çıxması barədə ABŞ-ın tələbinin leqal
olmadığını deyib.
İordaniya hökumətinin vergiləri və müəyyən
qiymətləri artırması ölkə əhalisini ayağa qaldırdı.
Mübahisəli vergi qanununa qarşı keçirilən etiraz aksiyalarından
sonra baş nazir Hani əl-Mulk istefa verib.
Ömər əl-Rezzaz müvəqqəti baş nazir təyin edilib. İordaniya kralı
Abdullah Ömər əl-Rezzaza yeni hökumətin qurulması barədə təlimat
verib.
Trampın qərarına qarşı çıxması istefa ilə nəticələndi - Ərəb ölkəsində QİYAM
Rusiya, ABŞ, Qərb-Rusiya münasibətləri
ABŞ-da hökm sürən şiddətli daxili-siyasi mübarizəyə
görə Donald Trampla görüşümüz hələ də baş tutmayıb.
Bu sözləri Rusiya Prezidenti Vladimir Putin deyib.
“Görüşün baş tutmamasının səbəbini ABŞ-dan olan həmkarlarımızdan
soruşmaq lazımdır. Mənim nəzərimdə bu, ABŞ-da hökm sürən
daxili-siyasi mübarizənin nəticəsidir”, - deyə Putin Trampla görüş
barədə sualı cavablandırarkən bildirib.
Rusiya prezidenti Vladimir Putin ABŞ-a və onun
müttəfiqlərinə qarşı əks sanksiyalar haqqında qanunu
imzalayıb. Sənəd rəsmi internet portalında dərc
edilib.
Mayın 30-da Federasiya Şurası əks sanksiya haqqında qanunu
bəyənib.
Rusiyanın Xarici İşlər Nazirliyində bildiriblər ki, qanun ABŞ-ın
işgüzar dairələrində gərginlik yaradıb. Qeyd edilir ki, qanun
layihəsinə Rusiya bazarında işləyən bir çox Amerika şirkəti və
sahibkarlar reaksiya verib.
“Qərb hərbi və mülki alətlərin birləşdiyi yeni tipli
münaqişə ilə qarşılaşır”. Bunu “The Times” üçün
yazdığı məqalədə Böyük Britaniyanın Mühafizəkar Partiyasından olan
deputatı Bob Sili və Henri Cekson adına Rusiya və Avrasiya
Tədqiqatları Mərkəzinin direktoru Endrü Foksoll bildiriblər.
Müəlliflər Rusiyanın son iki onillikdə apardığı münaqişələri
sadalayıblar.
Üç ölkə barədə ŞOK XƏBƏRDARLIQ - Tanksız və artilleriyasız yeni müharibə BAŞLAYIR
“Qərbin Rusiyanın ünvanına ittihamları onun
qarşısının alınması üsuludur, çünki, Rusiyanı rəqib kimi
görürlər”. Bunu “Birbaşa xətt” zamanı Rusiya
prezidenti Vladimir Putin bildirib.
Onun sözlərinə görə, bu, səhv siyasətdir.
“Onlar Rusiyada təhlükə görürlər. Görürlər ki, Rusiya onlar üçün
rəqib olur. Fikrimcə, bu, çox səhv siyasətdir” - Rusiya lideri
vurğulayıb.
Qərblə münasibətlərin bərpası müddətini proqnozlaşdırmayan
dövlət başçısı qeyd edib ki, Rusiya öz maraqlarını müdafiə
etməlidir.
Rusiya prezidenti Vladimir Putin “Birbaşa xətt”
zaman III Dünya müharibəsi ehtimalını qiymətləndirib.
Putin III Dünya müharibəsinin bugünkü sivilizasiyaya son qoya
biləcəyini vurğulayıb.
O qeyd edib ki, II Dünya müharibəsindən sonra qlobal
münaqişələrin baş verməməsi aparıcı dövlətlər arasında strateji
paritetin qurulması ilə əlaqədardır.
“Qarşılıqlı məhv etmə qorxusu dövlətləri həmişə kəskin
hərəkətlərdən saxlayır və bir-birinə hörmət etməyə məcbur edirdi”,
- Rusiya prezidenti vurğulayıb.
Genişmiqyaslı döyüş əməliyyatların təhlükəsini şərh edən Putin
fizik-nəzəriyyəçi Albert Eynşteyndən sitat gətirib: “Bilmirəm,
Üçüncü Dünya müharibəsi hansı üsulla aparılacaq, amma bilirəm ki,
dördüncüsü dəyənəklər və daşlarla aparılacaq”.
“Rusiyanı yenidən G8-in (“Böyük səkkizlik”)
tərkibinə qəbul etmək lazımdır”. Bu haqda ABŞ
prezidenti Donald Tramp jurnalistlərə bildirib.
Ukrayna
“Rusiya prezidenti Vladimir Putin üçün Donbasda üç
variant var”. Bunu Ukraynanın “Apostrof” nəşrinə
Ukrayna publisisti və jurnalisti Vitaliy Portnikov bildirib.
Putinin ÜÇ VARİANTI: Dağlıq Qarabağ... – Ukraynalı publisist Kremlin dəhşətli PLANINI AÇDI
“Krımın Ukraynanın tərkibinə qayıdışı üçün şərtlər
mövcud deyil”. Bunu Rusiya prezidenti Vladimir Putin
Avstriya səfəri öncəsi bu ölkənin ORF telekanalına müsahibəsində
deyib.
“Belə şərtlər mövcud deyil və onlar mövcud ola da bilməz”, -
Putin bildirib.
“Qərb ölkələrində Rusiyanın təcavüzkar hərəkətləri
ilə əlaqədar ümumavropa müharibəsinə ciddi baxılır”.
Bu haqda “Apostrof” nəşrinə Rusiyanın hərbi eksperti və publisisti
Pavel Felqenqauer yazıb.
Onun sözlərinə görə, real planlaşdırma gedir və istənilən vaxt
ən kiçik hadisəyə görə müharibə başlaya bilər.
Putinə TƏKLİF: bu ölkələr işğal olunmalıdır - Sabah böyük müharibə BAŞLAYA BİLƏR
Rusiya Azov dənizində müharibəyə hazırlaşır.
Bunu “BlackSeaNews” nəşrinin baş redaktoru, hərbi ekspert Andrey
Klimenko bildirib.
Rusiya hərbi gəmilərini Xəzərdən niyə çıxardı? – Kremlin planı İFŞA OLUNDU
“Rusiya Donbasda kiçik qələbə qazandıracaq
müharibəni yarada bilər. Cəbhədə məğlubiyyət indiki hakimiyyətin
perspektivlərinə zərbə vuracaq. Məğlubiyyət demək olar ki, indiki
hakimiyyətin davam etdirilməsinin üstündən xətt
çəkəcək”. Bunu “İnformasiya müqaviməti” qrupunun
koordinatoru Konstantin Maşoves “Apostrof” nəşrinə müsahibəsində
deyib.
Hərbi jurnalist qeyd edir ki, Rusiya Donbasda hər hansı qəsəbəni
və ya şəhərciyi ələ keçirməyə çalışa bilər.
İşğal edilmiş ərazilərdə KİÇİK QƏLƏBƏ – 90 minlik ordu ilə HÜCUM PLANI
Ukraynanın Donbas bölgəsində ötən gün vəziyyət
gərginləşib. Ukrayna Birləşmiş güclərin əməliyyat
mərkəzindən verilən məlumata görə, döyüşlər nəticəsində 2 Ukrayna
hərbçisi həlak olub, daha 2-i yaralanıb.
Həmçinin, Ukrayna kəşfiyyatının məlumatına görə, 5 separatçı
məhv edilib, 3-ü yaralanıb.
Rusiya prezidenti Vladimir Putin “Birbaşa xətt”in
gedişatında futbol üzrə dünya çempionatı zamanı Donbasda aktiv
döyüş hərəkətlərinin mümkünlüyünə toxunub. Rusiya
lideri Ukraynaya xəbərdarlıq edib.
“Ümid edirəm ki, iş belə təxribatlara çatmayacaq. Və əgər bu
olacaqsa, onda bütovlükdə Ukraynanın dövlət quruluşu üçün çox ağır
nəticələrə gətirib çıxaracaq”, - Putin bildirib.
Qeyd edək ki, Rusiyada futbol üzrə dünya çempionatı iyunun
14-dən iyulun 15-dək davam edəcək.
Ali Radanın deputatları Odessada vəziyyət üzrə
iclasın çağırılması xahişiylə Ukraynanın Milli Təhlükəsizlik və
Müdafiə Şurasının başçısı Aleksandr Turçinova müraciət
ediblər. Bu haqda “Batkivşina” Partiyasından olan
deputat İqor Lusenko feysbuk səhifəsində yazıb.
Onun sözlərinə görə, şəhərdə fəallara qarşı terror hücumları
görünməmiş miqyasa çatıb.
“Biz Odessanı Donbas ssenari üzrə Odessanı itiririk. Odessada
Əhmədov (məşhur Donetsk biznesmeni, milyarder, Ukraynanın ən varlı
insanı Rinat Əhmədov –red.) və Yanukoviçin (Ukraynanın keçmiş
prezidenti Viktor Yanukoviç –red.) əvəzinə Qalanternik və Truxanov
(Odessa biznesmenləri Vladimir Qalanternik və Gennadi Truxanov
–red.) var", - xəbərdə deyilir.
“Kreml Ukraynanın bölünməsini nəzərdə tutan
“Novorossiya” planında müvəffəqiyyətsizliyə uğrayıb. Plan təxirə
salınıb, amma Rusiya istənilən əlverişli anda ona yenidən qayıtmağa
hazırdır”. Bu haqda “ObozTV”nin efirində Ukraynanın
Təhlükəsizlik Xidmətinin Baş İstintaq İdarəsinin sabiq rəhbəri,
general-mayor Vasiliy Vovk bildirib.
Bir-iki il ərzində ölkənin 6 vilayəti... - Rusiya qorxunc planı DİRİLDİR
Koreya böhranı
Koreya Xalq Demokratik Respublikasının (KXDR)
başçısı Kim Çen In Sinqapurda ABŞ prezidenti Donald Trampla görüşü
ərəfəsində ölkənin ali hərbi komandanlığının üç nümayəndəsini
dəyişib. Bu haqda Cənubi Koreyanın kəşfiyyat
mənbələrinə istinadən “Yonhap” nəşri bildirib.
Qiyam qorxusu Kim Çenə bunu etdirdi - GÖZLƏNİLMƏZ ADDIM