ABŞ-ın Oreqon ştatında hazırlanmış bir ev bənzərsiz dizaynı və taxta sənətkarlığı ilə hər kəsi ovsunlayır.
Metbuat.az xəbər verir ki, “Shining Hand Ranch” adı verilən ev Ed Bemis və daha bir çox yerli memar tərəfindən hazırlanıb.
Bu malikanə günəş və jeotermal enerjiylə qızdırılır. Evi maraqlı edən detal isə qüsursuz taxta sənətkarlığıdır. Məsələn evin qapısının yonulması üçün 6 ay vaxt sərf olunub. 8.881 kvadratmetrlik ev 706 hektar sahədə inşa edilib.
Evin parketləri üçün qızılağac və gilas ağacları istifadə edilib və dalğalı bir zəmin yaradılıb.
Pilləkənlər üçün isə bölgəyə xas yerli bir ağacdan istifadə edilib. Sənətkarlar dizaynları ilə təbii bir görünüş yaratmağa çalışıb. Hamam mavi qranitlə döşənib.
Mozaika əjdahalar isə evin qarşıya çıxan detallarından biridir. 2 yataq otağı və 5 hamam otağı olan ev 7.6 milyon dollardan alıcısını gözləyir.
