Bakı, 23 aprel, AZƏRTAC
Taekvondo üzrə Azərbaycanın yeniyetmələrdən ibarət yığma komandası Türkiyənin Konya şəhərində keçirilən beşinci Rumi Uşaq İdman Oyunlarında 4 medal qazanıb.
AZƏRTAC xəbər verir ki, baş məşqçi Səbuhi Zülfüqarovun və böyük məşqçi Sənan Həşimovun rəhbərliyi ilə mübarizə taekvondoçularımız yarışın ilk gününü 2 medalla başa vurublar. Bəhruz Quluzadə (37 kq) və Anar Hüseynli (53 kq) yalnız final döyüşündə məğlub olaraq yarışın gümüş medallarını əldə ediblər.
Komandamız yarışın ikinci günündə daha 2 medal qazanıb. Cavid Soltanov (61 kq) və Nuranə İbrahimova (47 kq) qızıl medallara sahib olublar.