Azərbaycanda özünü DİN-in əməkdaşı kimi təqdim edən şəxs barəsində cinayət işi başlayıb

16:12 24 Aprel 2015
70 Digər
Ölkə mətbuatı
A- A+

[ 24 Aprel 2015 17:05 ]


Bakı. Hafiz Heydərov – APA. Özünü polis əməkdaşı kimi təqdim edən şəxsin qanunsuz əməlləri ifşa edilib.

 

Baş Prokurorluğun mətbuat xidmətindən APA-ya verilən məlumata görə, hüquq mühafizə orqanları ilə əlaqəli şəkildə vətəndaşların hüquq və azadlıqlarının etibarlı müdafiəsinin təmini sahəsində korrupsiyaya qarşı mübarizə tədbirləri davam etdirilir.

 

Belə ki, Ədliyyə Nazirliyinin Penitensiar Xidmətindən daxil olmuş material üzrə Baş prokuror yanında Korrupsiyaya qarşı Mübarizə Baş İdarəsində aparılmış araşdırmalarla Yevlax rayon sakini Həsən Əliyevin özünü Daxili İşlər Nazirliyinin Daxili Qoşunlarının məsul əməkdaşı kimi təqdim edərək Ağdaş rayon sakininin övladını Penitensiar Xidmətin Şəki penitensiar müəssisəsinə işə qəbul etdirəcəyini vəd edərək 4 min 500 manat məbləğində pulunu etibardan sui-istifadə etmə və aldatma yolu ilə ələ keçirməsində şübhələr üçün əsaslar müəyyən edildiyindən fakta görə Cinayət Məcəlləsinin 178.3.2-ci (külli miqdarda ziyan vurmaqla dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə cinayət işi başlanıb.

 

Hazırda cinayət işi üzrə istintaq davam etdirilir.

 


Xəbərin orijinal ünvanı: http://az.apa.az/news/381092

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR