İlk Avropa Oyunlarına biletləri “McDonalds” restoranlarından almaq mümkün olacaq

İlk Avropa Oyunlarına biletləri “McDonalds” restoranlarından almaq mümkün olacaq
17:33 24 Aprel 2015
161 İdman
Ölkə mətbuatı
A- A+


Bakı, 24 aprel, AZƏRTAC
“Bakı-2015” ilk Avropa Oyunlarına biletləri “McDonalds” restoranlarından almaq mümkün olacaq.
AZƏRTAC xəbər verir ki, “Bakı-2015”in qida təchizatı üzrə rəsmi dəstəkçisi “McDonalds” özünün Neftçilər, Əhmədli və Fəvvarələr Meydanındakı mərkəzlərində bilet kassaları yerləşdirməklə, idman azarkeşlərinə Azərbaycan tarixinin ən mötəbər tədbirində iştirak etmək üçün bilet almağa imkan yaradır.
Bilet kassalarının açılışında çıxış edən “Bakı-2015”in əməliyyatlar üzrə baş direktoru Saymon Kleq satışın uğurla davam etdiyini bildirib. O deyib: “Biz “McDonalds”ın göstərdiyi dəstəyin daha çox insana “Bakı-2015”in həyəcanını yaşamağa imkan yaradacağından məmnunuq. İyunun 12-də təşkil ediləcək açılış mərasiminə sayılı günlər qaldıqca bütün ölkədə Avropa Oyunlarına marağın artdığının şahidi ola bilərsiniz. Bakı sakinləri Avropa Oyunlarına böyük dəstək göstərirlər və ötən həftə təşkil etdiyimiz test yarışlarının böyük tamaşaçı kütləsi qarşısında keçməsi bizi sevindirdi”.
“McDonalds”la yanaşı, biletləri www.baku2015.com saytında onlayn yolla və ya Bakının digər nöqtələrində yerləşən bilet satış məntəqələrindən də almaq mümkündür. Ətraflı məlumatı www.baku2015.com saytından, yaxud “2015 - tamaşaçı məlumat mərkəzi”nə zəng etməklə əldə etmək olar.


Xəbərin orijinal ünvanı: http://azertag.az/xeber/Ilk_Avropa_Oyunlarina_biletleri_McDonalds_restoranlarindan_almaq_mumkun_olacaq-849530

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR