Bakı. Trend:
Hindistanın paytaxtı Yeni Dehlidə ventilyator pərlərinin istehsalı zavodunda baş verən partlayış nəticəsində 6 nəfər ölüb.
Trend-in "NDTV"yə istinadən verdiyi məlumata əsasən, hadisə nəticəsində 8 nəfər yaralanıb. Xəsarət alanların vəziyyəti ağırdır.
Qeyd olunur ki, dağıntılar altında daha 8 nəfər qala bilər.
Polisin verdiyi məlumata əsasən, partlayışa səbəb zavoddakı qurğulardan birində yerləşən nasazlıq olub. Hadisə yerində yanğınsöndürənlər və xilasedicilər işləyirlər. Araşdırma aparılır.
Trend-in ən mühüm və maraqlı xəbərlərini "Telegram"da izləyin
