Bakı. 21 yanvar. REPORT.AZ/ Əfqanıstanda hərbi bazaya hücum zamanı ölənlərin sayı 126-ya çatıb.
"Report" Türkiyə KİV-inə istinadən xəbər verir ki, bu barədə Vardak vilayətinin rəhbərinin sözçüsü Əbrülrəhman Manqal məlumat verib.
***10:33
Radikal "Taliban" hərəkatının silahlıları Əfqanıstanın mərkəzi hissəsində yerləşən Vardak vilayətində xüsusi təyinatlıların bazasına hücum ediblər.
Bu barədə "Report" Rusiya KİV-inə istinadən xəbər verir.
Maydanşəhr şəhərində bazanın yaxınlığında törədilən partlayış nəticəsində azı 18 nəfər ölüb, 27 nəfər yaralanıb.
