Milli Gimnastika Arenasında batut gimnastikası və tamblinq üzrə Dünya Kubokunun ilk yoxlama-məşqi keçirilib (FOTO)

Milli Gimnastika Arenasında batut gimnastikası və tamblinq üzrə Dünya Kubokunun ilk yoxlama-məşqi keçirilib (FOTO)
11:08 12 Fevral 2019
51 İdman
Ölkə mətbuatı
A- A+

Bakı. Trend:

Fevralın 11-də Milli Gimnastika Arenasında batut gimnastikası və tamblinq üzrə Dünya Kubokunun ilk yoxlama-məşqi keçirilib.

Azərbaycan Gimnastika Federasiyasından Trend-ə verilən məlumata görə, yoxlama məşqi bütün yarış formatını əhatə edərək ilk olaraq açılış mərasimindən başlayıb. Daha sonra Azərbaycan təmsilçiləri ilə yanaşı, Polşa, QazaxıstanGürcüstan komandalarının gimnastları öz proqramlarını təqdim ediblər.

Bu turnirin Tokio Olimpiya Oyunlarına lisenziya xarakteri daşıması gimnastların həyəcan və məsuliyyətini ikiqat artırır. Elə ona görə də yarışa qədər tam formada olmaq məqsədilə artıq bir çox ölkələrin idmançıları arenadakı təlim-məşqlərinə start veriblər.

Bakıda 16-17 fevral tarixlərində keçiriləcək yarışlarda ümumilikdə 30 ölkə iştirak edəcək.

Qeyd edək ki, ötən il Sankt-Peterburqda (Rusiya) baş tutmuş batut gimnastikası üzrə dünya çempionatında 33 ölkənin təmsilçiləri mübarizə aparmışdı. Ölkələrin və titullu gimnastların sayı isə öz növbəsində rəqabətin və Kubokun statusunun yüksək olacağını artıq müəyyənləşdirir.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/sports/3018112.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR