Bakıda keçirilən batut gimnastikası və tamblinq üzrə Dünya Kubokunda batut üzrə fərdi proqramda qızıl medal qazanan Belarus gimnastı Vladislav Qonçarov nəticədən razıdır.
Milli.Az xəbər verir ki, V.Qonçarov Trend-ə bildirib: "Məmnunluq hiss edirəm, çünki zəhmətim hədər getmədi. Bakıda keçirilən bu Dünya Kubokuna ciddi hazırlaşmışdım və layiqli çıxış etdim".
Gimnast vurğulayıb ki, Bakıda təşkil edilən beynəlxalq yarışlar çox yüksək səviyyədə keçirilir:
"Dəfələrlə bildirmişəm ki, Bakıda Milli Gimnastika Arenasında keçirilən yarışlar hər cür tərifə layiqdir".
Qeyd edək ki, 16-17 fevral tarixlərində Bakıda batut gimnastikası və tamblinq üzrə ilin ilk Dünya Kuboku keçirilir.
Milli.Az
