Mozambikdə "İdai" tropik qasırğası zamanı 1 milyon 850 min insan zərər çəkib.
"Report" Türkiyə mətbuatına istinadən xəbər verir ki, bu barədə BMT-nin Humanitar Məsələlərin Koordinasiyası üzrə İdarəsi məlumat yayıb.
Qeyd edilir ki, qasırğa yerli təsərrüfatlara ciddi ziyan vurub, habelə xeyli sayda ev dağılıb. Təbii hadisə zamanı 447 nəfər həyatını itirib, 15 mindən çox sakin yaralanıb.
Məlumata görə, təbii hadisədən zərər çəkən bölgələrdə qida və digər humanitar yardımlara ciddi ehtiyac var. Qeyd edək ki, Mozambikin dövlət başçısı qasırğada çoxsaylı insan tələfatı ilə bağlı ölkədə 3 günlük matəm elan edib.
