Bakıda sərnişin avtobusunun iştirakı ilə qəza baş verib.
Milli.Az Virtualaz.org-a istinadən xəbər verir ki, hadisə Səbail rayonunda - "Bəhramgur" heykəlinin yaxınlığında qeydə alınıb.
Minik maşını ilə 53 saylı marşrut üzrə hərəkət edən avtobus toqquşub. Nəticədə, 3 nəfər yaralanıb. Toqquşmadan sonra avtobus bir piyadanı da vurub.
Səhiyyə Nazirliyinin mətbuat katibi Pərviz Abubəkirov sorğusumuza cavab olaraq bildirib ki, təcili yardimla 3 yaralı xəstəxanaya gətirilib. Onlardan biri azyaşlıdır.
Yaralıların vəziyyəti orta ağır qiymətləndirilib.
Milli.Az
