Almaniya Bundesliqasında 32-ci turun oyunları keçirilib. Fanat.az xəbər verir ki, Azərbaycan yığmasının qapıçısı Emil Balayevin çıxış etdiyi "Ayntraxt" da növbəti matçına çıxıb.
Frankfurt təmsilçisi doğma meydanda "Hoffenhaym"la qarşılaşıb. Matç meydan sahiblərinin 3:1 hesablı qələbəsi ilə başa çatıb. Emil bu görüşün iştirakçısı olmayıb. "Ayntraxt" hazırda 39 xalla 10-cu pillədə qərarlaşıb.
İspaniya La Liqasında 36-cı turun oyunları baş tutub. Azərbaycan yığmasının yarımmüdafiəçisi Eddi İsrafilovun forma geyindiyi "Qranada" da növbəti matçına çıxıb.
Komanda doğma meydanda "Kordoba" ilə qarşılaşıb. Matç meydan sahiblərinin 2:0 hesablı qələbəsi ilə başa çatıb. İsrafilov zədəli olduğuna görə bu dəfə də oynamaq şansı qazanmayıb. "Qranada" hazırda 31 xalla 18-ci pillədə qərarlaşıb.
Xorvatiya çempionatında isə 33-cü turun oyunları keçirilib. Azərbaycan yığmasının hücumçusu Ruslan Qurbanovun çıxış etdiyi "Hayduk" doğma meydanda "Osiyek"lə qarşılaşıb.
Matç meydan sahiblərinin 3:2 hesablı qələbəsi ilə başa çatıb. Ruslan bu görüşün iştirakçısı olmayıb. Futbolçumuz ehtiyatda qalıb. "Hayduk" hazırda 46 xalla 3-cü pillədə qərarlaşıb.
Fanat.az