“Türkiyənin sabiq Prezidenti Abdullah Gül ilə keçmiş Xarici İşlər naziri Ali Babacan dekabrın 1-də Demokrat Partiyasına qatılacaq”.
Metbuat.az xəbər verir ki, belə bir iddia ilə jurnalist Yekta Yaktı çıxış edib.
Onun sözlərinə görə, sözügedən şəxslərlə birlikdə hakim AKP-dən olan 42 millət vəkili də istefa verərək DP-yə qatılacaq.
Yaktı Demokrat Partiyasının baş direktoru Gültəkin Uysalın ötən həftə bələdiyyə rəhbərləri ilə tək-tək görüşərək bu məlumatı paylaşdığını bildirib.
Həmçinin, qeyd olunub ki, mərhum Prezident Süleyman Dəmirəlin həkimi, millət vəkili Aylin Cəsur, keçmiş dövlət naziri Ayfər Yılmaz da həmin tarixdə partiyaya üzv olacaq.(qafqazinfo)
