Samuxda yanğın olub.
"Report"un Qərb Mərkəzinin məlumatına görə, hadisə Sarıqamış kəndində, yerli sakin Mustafa Cümşüdova məxsus tövlədə baş verib.
Hadisə yerinə Fövqəladə Hallar Nazirliyinin (FHN) Samux rayon Yanğında Mühafizə Hissəsinin yanğınsöndürən briqadası cəlb olunub. Yanğın nəticəsində tövlədə olan bir iribuynuzlu heyvan yanaraq tələf olub. Hadisə zamanı vətəndaşa ciddi zərər dəyib. Ətrafdakı tikililər yanğından mühafizə edilib.
Yanğının başvermə səbəbləri araşdırılır.