Bir müddətdir sevgili olan müğənni Sərdar Ortaç və Seçil Gür Bebek istiqamətində təşkil olunan "Kendini fark et" ("Özünün fərqinə var") adlı kitabın təqdimat mərasimində iştirak ediblər.
Milli.Az axşam.az-a istinadən bildirir ki, mərasimdə ifaçı jurnalistlərin suallarını da cavablandırıb. O, "Yenidən evlənərsiniz" sualına belə cavab verib:
"Geriyə dönüb baxdıqda bir çox səhvlər etdiyimi gördüm və bundan dərs çıxardım. Əsas odur, xoşbəxt olaq. Evlilik önəmli deyil. Bəlkə övladımız olar, bəlkə də, uşaq götürüb saxlayarıq".
Gecəyə eyni zamanda Sərdarın 50 illik yubileyi münasibəti ilə sürpriz tort da gətirilib.
Qeyd edək ki, sənətçi 6 ay əvvəl model Xloe Louqnandan ayrılıb.
Milli.Az
