Çin ordusu Tayvan ərazisinə raket zərbələri endirib.
Metbuat.az xəbər verir ki, bu barədə Tayvanın rəsmi dairələri məlumat yayıb. Məlumata görə, raketlər Tayvanın su ərazisinə düşüb. Fəsadlar barədə məlumat yoxdur.
Qeyd edək ki, Çin ordusu Tayvan ətrafında təlimlər keçir. Təlimlər zamanı döyüş mərmilərindən istifadə edilir. Təlimlərin əraziləri elə seçilib ki, Tayvan tamamilə mühasirədə qalıb. ABŞ-ın Nümayəndələr Palatasının sədri Nensi Pelosinin Tayvana səfəri ABŞ və Çin arasında gərginlik yaradıb. ABŞ, İndoneziya, Avstraliya və Sinqapur orduları isə Çinə cavab olaraq Sumatra adasında təlimlər keçir.
