"Qarabağ"ın və Azərbaycan millisinin sabiq futbolçusu İlqar Qurbanov yığmanın heyətinə dəvət almayan Qara Qarayevlə bağlı status yazıb.
Metbuat.az xəbər verir ki, o, feysbuk hesabında Qaraya yeyib-içməyinə diqqət etməyi məsləhət görüb:
"9 il "McDonalds"a görə milliyə dəvət almadım. Qara, yeyib-içməyinə fikir ver",- deyə o paylaşımda qeyd edib.
Qeyd edək ki, İlqar Qurbanov Berti Foqts Azərbaycan yığmasının baş məşqçisi olduğu dönəmdə "McDonalds"da yemək yediyi üçün yığmaya çağırılmamışdı.
