“Biz qarşımıza Ukraynanı məhv etmək tapşırığı qoymamışıq”.
Metbuat.az xəbər verir ki, bunu Rusiya Prezidenti Vladimir Putin MDB dövlət başçıları Şurasının Zirvə toplantısından sonra Astanda keçirdiyi mətbuat konfransında bildirib.
O, Krımın ilhaqını belə izah edib:
“Onlar (Ukraynanı nəzərdə tutur-.red) Krımın suyunu kəsdilər. Qoşunlar ora daxil oldu və Krımın suyunu açdı. Onlar bunu etməsəydi əks tədbir görülməzdi”.
Rusiya Prezidenti hazırda kütləvi avia və raket zərbələrinə ehtiyac olmadığını söyləyib. Onun sözlərinə görə, 300 min vətəndaşdan 222 min nəfər səfərbər olunub və onların 33 mini artıq hərbi hissələrdədir. Rusiya Prezidenti Ukrayna hadisələrinə görə təəssüflənmədiyini də bildirib.
