Oman sahillərində İsraildən olan milyarder İdan Oferə məxsus neft takerinə hücum olub.
Metbuat.az xəbər verir ki, bu barədə “Associated Press” agentliyi məlumat yayıb. Bildirilir ki, Sinqapur şirkəti tərəfindən işlədilən gəmiyə bomba olan dronla hücum edilib. Bölgədə dəniz nəqliyyatının təhlükəsizliyini müşahidə edən Böyük Britaniyadan olan hərbi qüvvələr məsələnin araşdırıldığını ifadə edib. Fəsadlar barədə məlumat verilməyib.
Qeyd edək ki, İsrail gəmilərinin tez-tez İran tərəfindən hədəfə alındığı iddia edilir. İsrail gəmilərinin ən çox hədəfə alındığı ərazilər Oman sahilləridir.
