Nüfuzlu biznes jurnallarından biri olan Forbesdə yer alan dünyanın ən zəngin iş adamları barədə məlumatlar həmişə maraq doğurur.
Metbuat.az dünyanın ən varli insanlarının bürclərini təqdim edir:
“Microsoft”un yaradıcısı amerikalı Bill Qeytsin sərvəti təxminən 86 milyard dollardır. 28 oktyabr 1955-ci ildə anadan olan Geyts əqrəb bürcüdür.
İkinci yerdə 75,6 milyard dollarlıq sərvətlə “Berkshire Hathaway”in sahibi Uorren Baffet qərarlaşıb. Buffett 30 avqust 1930-cu ildə anadan olub və onun bürcü qızdır.
Amazon şirkətinin qurucusu Ceff Bezos 12 yanvar 1964-cü ildə anadan olub və oğlaq bürcüdür.
Zara şirkətinin də daxil olduğu İspaniyanın “Inditex” geyim firmasının qurucusu Amansio Orteqa 28 mart 1936-cı ildə anadan olub və qoç bürcüdür.
Feysbukun qurucusu, Mark Zukerberq 14 may 1984-cü ildə anadan olub və buğa bürcüdür.
Telekommunikasiya sektorunda fəaliyyət göstərən “Telmex” və “America Movil” şirkətlərinin sahibi, meksikalı iş adamı Karlos Slim Helu 28 yanvar 1940-cı ildə anadan olub və dolça bürcüdür.
Proqram təminatı şirkəti “Oracle”ın yaradıcısı Lourens Cozef Ellison 52,2 milyard dollar sərvəti ilə 10 ən zəngin iş adamı sırasındadır. Ellison 1944-cü il avqustun 17-də anadan olub və o şir bürcüdür.
“Koch Industries”in sahiblərindən olan Çarlz Kox 1 noyabr 1935-ci ildə anadan olub və əqrəb bürcüdür.
Kox qardaşlarından biri olan David Kox 3 may 1940-cı ildə anadan olub və buğa bürcüdür.
“Bloomberg”in sahibi Maykl Blumberq 14 fevral 1942-ci ildə anadan olub və dolça bürcüdür.
