“Mançester Siti” və “Real Madrid” “Əl-Əhli” klubunun futbolçusu Qabri Veyqanı transfer etməyə çalışır.
Metbuat.az xəbər verir ki, 30 milyon avroya “Selta Viqo”dan “Əl-Əhli”yə transfer olan istedadlı futbolçunun transferi birmənalı qarşılanmamışdı. Futbolçuya çox pul verildiyini irəli sürərək, “Əl-Əhli”ni lağa qoyanlar olmuşdu. Lakin “Əl-Əhli” ilə 3 illik müqavilə imzalayan futbolçu uğurlu oyunla Avropa klublarının diqqətini cəlb edib.
Bu mövsümü 17 matçdan 15-də start heyətdə yer alan futbolçu klubun əsas oyunçularından biri kimi qeyd edilir. O, 4 qol və 1 ötürmə yə imza atıb. Onun “Real Madrid”ə transferinin daha real olduğu irəli sürülür. İspaniyalı yarımmüdafiəçi transferi barədə danışarkən vətən həsrətində olduğunu ifadə edib.
