Bu gün səhər saatlarında Qaradağ rayonunda ağır avtobus qəzası baş verib.
Metbuat.az xəbər verir ki, saat 10 radələrində Bakı-Qazax avtomobil yolunun 24-cü kilometrliyində Sahil qəsəbəsini “Sahil” metrostansiyası ilə əlaqələndirən 99-JN-189 dövlət qeydiyyat nişanlı 149 nömrəli “Baku Bus” sərnişindaşıma avtobusu yolun kənarında dayanmış Tacikistan dövlətinə məxsus 77-FF-02 qeydiyyat nişanlı “Volvo” markalı yük avtomobilinə çırpıl
Hadisə nəticəsində 1 nəfər ölüb, 2 nəfər xəsarət alıb.
Faktla bağlı araşdırılma aparılır.
TƏBİB-dən APA-ya bildirilib ki, xəsarət alan 2 nəfər müştərək travmalar diaqnozu ilə Kliniki Tibbi Mərkəzə hospitalizasiya olunub.
1 nəfərə isə stresə qarşı reaksiya diaqnozu ilə yerində yardım olunub. Bir nəfərin isə həkiməqədər ölüm faktı qeydə alınıb.
