Ötən il Türkiyə prezidenti Rəcəb Tayyib Ərdoğanın iftar qonaqlığına qatılan müğənni Bülənt Ərsoyla həmkarı Ajda Pekkan arasında başlamış qalmaqal yenidən alovlanıb.

Axşam.az Türkiyə mətbuatına istinadən xəbər verir ki, həmin qonaqlıqda Büləntin ona salam verməyən Ajdaya “ifritə” deməsi sənətçilər arasında narazılıq yaşatmışdı. A.Pekkan bu sözünə görə B.Ərsoyu məhkəməyə vermiş, lakin R.T.Ərdoğanın aralarındakı məsələni xoşluqla yoluna qoymaları xahişindən sonra ara sakitləşmişdi. Bülənt Ərdoğanın istəyini yerə salmayaraq Ajda ilə küsülülüyü uzatmamışdı.

Lakin bu gün A.Pekkanın şikayəti üzrə B.Ərsoyun tutulma əmrinin verildiyi məlum olub. Bu barədə Büləntin prodüseri Fevzi Siverek danışıb:

“Beykoz Ədalət Sarayından zəng gəldi. Bülənt Ərsoyun tutulması əmri çıxıb. Ajda Pekkan preizdentin xahişini yerə salaraq məhkəməyə müraciət edibmiş. Gedib ifadəmizi verəcəyik. Qarşılıqlı olaraq tərəfimizdən Ajda Pekkana qarşı Bülənt Ərsoy əleyhinə işlətdiyi ifadələrə görə iddia qaldıracağıq”