Norveçli yeniyetmə futbolçu Martin Edeqor Madridin "Real" klubunda ildə 2,25 milyon avro maaş alacaq.
Milli.Az Spiegel Online-a istinadən bildirir ki, Norveçin "Stremsqodset" klubunda çıxış edən 16 yaşlı futbolçu bu günlərdə "kral klubu" ilə anlaşma imzalayacaq. Anlaşmanın müddəti 2018-ci ilədəkdir.
Yarımmüdafiəçinin maaşı sonradan ildə 6,8 milyon avroya çata bilər.
Martin Edeqor "Real"ın əsas heyəti ilə məşq etsə də, hələlik gənclərdən ibarət komandada oynayacaq. "Real"ın gənclər komandasının baş məşqçisi Zinəddin Zidandır.
Martinin atasına da "Real"da iş veriləcək.
Milli.Az
