Almaniya, Berlin, 20 yanvar /Trend, xüsusi müxbir Sevil Mikayılova/
Azərbaycan Prezidenti İlham Əliyev Almaniyaya işgüzar səfəri çərçivəsində Almaniya Federativ Respublikasının xarici işlər üzrə federativ naziri Frank-Valter Ştaynmayer ilə görüşüb.
Trend-in Almaniyaya ezam olunmuş müxbirinin məlumatına görə, görüşdə Azərbaycanla Almaniya arasında ikitərəfli münasibətlərin indiki vəziyyəti və perspektivləri haqqında fikir mübadiləsi aparıldı. Ermənistan-Azərbaycan, Dağlıq Qarabağ münaqişəsinin həlli yolları müzakirə edildi.
Görüşdə Frank-Valter Ştaynmayer Azərbaycana son səfəri çərçivəsində səmərəli görüşlər keçirdiyini qeyd etdi.
Məqalə müəllifi ilə əlaqə ünvanı: agency@trend.az