"Bakıda olduğumuz günlər çox mükəmməl idi. Heç vaxt bu qədər emosiyalar və imkanlar görməmişdim"
Milli.Az xəbər verir ki, bu sözləri Bakı-2015 Avropa oyunlarını izləmək üçün paytaxtımıza gələn rusiyalı turist Yelizaveta Koloskova özünün Vkontakte profilində yazıb.
Turist Bakının küləyindən və yerli adət-ənənələrdən söz açıb.
"Azərbaycanda heç vaxt görməzsən ki, ictimai nəqliyyatda xanım ayaq üstə dayansın, kişi isə otursun. Və həmin xanımın yaşının nə qədər olmasının fərqi yoxdur", - o qeyd edib.
Oyunların açılış günündə paytaxtda təşkil olunmuş atəşfəşanlıq onu tamamilə heyran qoyub.
"Bu həyatımda gördüyüm ən gözəl, ən səs-küylü və yaxın atəşfəşanlıq idi. Oyunlar başladı", - Yelizaveta paylaşdığı atəşfəşanlıq videosunun altında yazıb.
Turist Bakıdan çoxlu sayda fotolar da paylaşıb. Həmin fotoları təqdim edirik.
Teymur Hacıyev
Milli.Az
