Azərbaycan, Bakı, 21 iyun /Trend, müxbir Maksim Tsurkov/
I Avropa Oyunları akrobatika gimnastikası üzrə qarışıq cütlüklərin temp hərəkətlərin yekununda rusiyalı gimnastlar Georgi Pataraya və Marina Çernova 29.300 bal toplayaraq birinci yerə çıxıblar.
Trend-in məlumatına əsasən, gümüş medalın sahibləri belçikalı cütlük Yana Vastavel və Solano Kassamayor (28.690), bürünc medalın sahibləri isə Britaniya dueti Hanna Boun və Rayan Bartlet olub (28.650).
Azərbaycan təmsilçiləri Ulyana Dyakova və Anatoli Leonov yarışı 27.320 xalla 5-ci yerdə başa vurublar.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az