Bakı, 21 yanvar, AzərTAc
Caspian European Club üzv şirkətlərin çoxsaylı xahişini nəzərə alaraq aylıq biznes-treninqlərin təşkilinə start verib.
Clib-dan AzərTAc-a bildiriblər ki, Caspian European Club-un üzv şirkətləri üçün “Brend-menecment, marketinq psixologiyası və satışın genişləndirilməsi” adlı birinci biznes-treninq yanvarın 21-də Grand Hotel Europe-da təşkil olunub. Treninq Caspian European Club-un baş icraçı direktoru Telman Əliyev tərəfindən keçirilib.
Biznes-treninqdə biznes tərəfdaşlarla dialoqun düzgün qurulması, şəxsi mövqeyin və biznes təkliflərin asanlıqla əsaslandırılması barədə geniş məlumat, eləcə də marketinq qərarlarının qəbulu zamanı tez-tez rast gəlinən digər məsələlərlə bağlı faydalı məsləhətlər verilib.
Biznes-treninqlər gələcəkdə də davam etdiriləcək, iri şirkət və korporasiya rəhbərləri qazandıqları uğurların sirlərini Caspian European Club-un üzv şirkətləri ilə bölüşəcəklər.
