Azərbaycanda snayper, rabitəçi və paraşütçülük kursları başlayır

Azərbaycanda snayper, rabitəçi və paraşütçülük kursları başlayır
15:04 23 Yanvar 2015
195 Sosial
Ölkə mətbuatı
A- A+

Kurslar Bakıda və rayonlarda fəaliyyət göstərəcək

Fevralın 2-dən Azərbaycanda snayper, rabitəçi və paraşütçü xüsusi hərbi ixtisasları üzrə mütəxəssislərin hazırlığına start verilir.

 

APA-nın məlumatına görə, bu barədə Səfərbərlik və Hərbi Xidmətə Çağırış üzrə Dövlət Xidmətinin «Hərbi Vətənpərvərlik və Mütəxəssis Hazırlığı» MMC-nin sədri Şahvələd Əliyev bildirib.

 

Ş. Əliyev deyib ki, hazırda «Hərbi Vətənpərvərlik və Mütəxəssis Hazırlığı» MMC tərəfindən aşpaz və sürücü xüsusi ixtisasları üzrə Silahlı Qüvvələr və qanunvericilikdə nəzərdə tutulmuş digər birləşmələr üçün mütəxəssislər hazırlanır. Snayper, rabitəçi və paraşütçü xüsusi hərbi ixtisasları üzrə mütəxəssislərin hazırlığı üçün tələb olunan maddi-tədris bazanın formalaşdırılması işləri tam yekunlaşdırılıb, həmin kurslara cəlb olunacaq çağırışçıların komplektləşdirilməsi prosesi isə yekun mərhələdədir.

 

Cəmiyyət sədri onu da əlavə edib ki, ilk olaraq snayper kursları «Hərbi Vətənpərvərlik və Mütəxəssis Hazırlığı» MMC-nin Sabunçu və Nəsimi rayon 1 nömrəli filiallarında, rabitəçi kursları Bakı şəhər filialı, Binəqədi rayon 1 nömrəli filialı, Zaqatala rayon və Şəki şəhər filiallarında, paraşütçü kursları isə Balakən rayon 1 nömrəli filiallarında keçiriləcək. Bununla yanaşı aşpaz kursları Cəmiyyətin Gəncə şəhər 3 nömrəli filialında da açılıb.

RƏYLƏR

BU KATEQORİYADAN DİGƏR XƏBƏRLƏR