"Barselona"nın prezidenti Xosep Bartomeu komandanın hücum xətti haqqında fikirlərini bildirib. Goal.az xəbər verir ki, Bartomeu Messi - Neymar - Suarez üçlüyünü dünyanın ən güclü hücum xətti adlandırıb.
"Leo Messi digər futbolçuların statistikasına baxmır. O, sadəcə komanda üçün oynayır. Qollarını vurur və məhsuldar ötürmələri də çoxdur. Düşünürəm ki, Leo Neymar və Suarezlə birlikdə dünyanın ən güclü hücum xəttini təşkil edir".
Messi dünən "Elche" ilə baş tutan oyunda dubla imza ataraq La Liqada qollarının sayını 21-ə çatdırlb. O, 11 məhsuldar ötürmənin də müəllifidir.
Milli.Az
