Bakı, 26 yanvar, AzərTAc
Ölkə daxilində sürətli dəmir yolu xətlərinin çəkilməsini reallaşdırmaq üçün böyük maliyyə vəsaiti tələb olunur.
AzərTAc xəbər verir ki, bunu KİV-lərə müsahibəsində nəqliyyat naziri Ziya Məmmədov bildirib.
Nazir, eyni zamanda, bu layihənin müəyyən hazırlıq tələb etdiyini əlavə edib. Onun sözlərinə görə, neftin qiymətinin ucuzlaşması və dünyada cərəyan edən proseslər Azərbaycanda iri maliyyə vəsaitləri tələb edən nəqliyyat layihələrinin həyata keçirilməsini bir qədər ləngidir.
