Bakı, 16 sentyabr, AZƏRTAC
Bosniya və Herseqovinanın Sarayevo Universiteti və Nevşehir Hacı Bektaş Vəli Universitetinin birgə təşkilatçılığı ilə ikinci Beynəlxalq türk mədəniyyəti araşdırmaları simpoziumu keçirilib.
Xəzər Universitetindən AZƏRTAC-a bildirilib ki, iki gün davam edən beynəlxalq tədbirdə bu ali təhsil ocağının Azərbaycan dili və ədəbiyyatı departamentinin müəllimi Sevinc Ağayeva da iştirak edib. O, simpoziumda “Füzulinin ana dilli yaradıcılığında zoonimlər” mövzusunda məruzə ilə çıxış edib.
Simpoziumun yekununda iştirakçılara sertifikatlar verilib.
