Əhmədli qəsəbəsi, Neapol dairəsi yaxınlığında ucaldılan çoxmərtəbəli binanın sakinləri təkrar aksiya keçirirlər. Bu barədə məlumatı Lent.az-a “Fateh-N” MTK-nın zərərçəkənləri veriblər.
Onların sözlərinə görə, 2006-cı ildə aldıqları bina naməlum səbəblərdən yarımçıq saxlanılıb. Sakinlər deyir ki, sözügedən şirkətin rəhbərliyinin ölkədən qaçdığı ilə bağlı məlumatlar yayılıb. Hüquq-mühafizə orqanlarına məlumat verən şikayətçilər hələ də tikinti şirkəti haqqında lazımi tədbir görülmədiyindən narazıdırlar.
“Fateh-N” MTK tikinti şirkətinin qurbanları iddia edirlər ki, binanı tikən Mahir Kərimov bir evi 5-10 adam satıb və qaçıb. Bina isə yarımçıq qalıb.
Qeyd edək ki, sakinlər M. Kərimovla əlaqə saxlamağa cəhd etsələr də, bu, heç cürə mümkün olmayıb. Qarşı tərəf telefona cavab verməyib.
