Bakı, 31 oktyabr, AZƏRTAC
Misirin hakimiyyət orqanları Rusiya təyyarəsinin qəzaya uğradığı yeri müəyyənləşdiriblər.
AZƏRTAC TASS agentliyinə istinadla xəbər verir ki, Şarm–əl-Şeyx - Sankt-Peterburq reysi ilə uçan təyyarə Sinay yarımadasının şimal-şərqində qəzaya uğrayıb. Bu haqda Misir hökuməti məlumat yayıb. “Əl-ərəbiyyə” telekanalının məlumatına görə, təyyarə tamamilə dağılıb. Təyyarədəkilərin hamısının həlak olduğu güman edilir.
Xatırladaq ki, göyərtəsində 217 sərnişinin və yeddi ekipaj üzvünün olduğu Rusiya təyyarəsi bu gün səhər radarlardan itmişdi.
