Yunanıstan höküməti Avropalı kreditorlarla ölkəyə 3-cü maliyyə yardımı paketi çərçivəsində 12 milyard euroluq növbəti tranşın ayrılmasına dair razılığa gəlib. Həmin vəsaitdən 2 milyard euroya yaxını hökümətin zəruri ehtiyaclarına xərclənəcək, qalan 10 milyard euro isə bankların təkrar kapitallaşdırılmasına və maliyyə institutlarının funksionallığının bərpasına sərf olunacaq.

Bu barədə Avroqrupun sədri Yerun Deyselblum açıqlama verib. O bildirib ki, nəzərdə tutulan pul vəsaiti Yunanıstanın vəd etdiyi islahatlarla bağlı paketi parlamentdə qəbul etməsindən sonra köçürüləcək. Avrozona Yunanıstana ümumilikdə 86 milyard güzəştli kredit ayırmağa söz verib. Yunanlar həmin vəsaitdən tranşlar yolu ilə hələ yalnız 13 milyard avronu qəbul edib. Növbəti tranş üçün tələb olunan islahatlar paketinin tərkibi həm kreditorlar həm də rəsmi Afina arasında artıq razılaşdırılıb.