Bakı, 7 dekabr, AZƏRTAC
Eşitmə qüsurlu əlillərdən ibarət komandalar arasında keçirilən Beynəlxalq Əlillər Gününə həsr olunmuş futzal turnirinə yekun vurulub.
AZƏRTAC xəbər verir ki, AFFA-nın dəstəyi və Əlillər Futbolu Federasiyasının təşkilatçılığı ilə Azərbaycan Texniki Universitetinin idman kompleksində keçirilən turnirin qalibi “Birlik” komandası olub. “Zirvə” ikinci, “Şimşək” komandası isə üçüncü yeri tutub.
Turnirin ən yaxşı oyunçusu İsrail Cəbrayılov, ən yaxşı qapıçısı isə Süleyman Osmanlı (hər ikisi “Zirvə”) seçilib.