Bakı, 17 dekabr, AZƏRTAC
Azərbaycanın Müdafiə Sənayesi Nazirliyi (MSN) gələn ildən yeni nəsil pilotsuz uçan aparatların (PUA) istehsalına başlayacaq.
AZƏRTAC xəbər verir ki, bunu müdafiə sənayesi naziri Yavər Camalov dekabrın 17-də jurnalistlərə müsahibəsində deyib.
Y.Camalov vurğulayıb ki, bu uçuş aparatları kəşfiyyat aparmaqla yanaşı, digər funksiyalar da həyata keçirəcək, düşmənin istənilən hədəflərini məhv edə biləcək. Yeni nəsil pilotsuz uçan aparatlar Azərbaycan Ordusuna növbəti il təhvil veriləcək. Bu istiqamətdə artıq işlərə başlanılıb. İşlərin gələn ilin sonunda başa çatdırılması planlaşdırılır.