Sabirabaddakı M.Ə.Sabir adına 1 saylı orta məktəbə yeni direktor təyin edilib.
Milli.Az gün.az-a istinadən bildirir ki, yeni direktor əslən sabirabadlı olan, Sumqayıtdan millət vəkili seçilmiş Mirzəcan Xəlilovun qardaşı qızı Sevinc Xəlilovadır.
O, parlament seçkilərindən bir neçə gün sonra direktor vəzifəsinə təyinat alıb.
S.Xəlilova 1973-cü ildə Sabirabad rayonunda anadan olub, BDU-nun coğrafiya fakültəsini bitirdikdən sonra adıçəkilən məktəbdə müəllim işləyib.
Qeyd edək ki, xeyli müddət idi, 1 saylı məktəbdə direktor vəzifəsi boş qalmışdı. Sabiq direktor Diləfruz Mustafayeva kredit qalmaqalı ilə əlaqədar vəzifəsindən uzaqlaşdırılıb.
Milli.Az
