Türkiyənin Şırnak vilayətinin Cizrə və Silopi rayonlarında PKK-ya qarşı aparılan əməliyyatlar çərçivəsində 4-cü gündə 68 terrorçu öldürülüb.
APA-nın “Hürriyet”ə istinadən verdiyi xəbərə görə, terrorçulardan 3-ü sağ ələ keçirilib.
Türkiyə Silahlı Qüvvələri və polisin birgə həyata keçirdiyi əməliyyatlarda isə 1 çavuş şəhid olub, təhlükəsizlik qüvvələrindən 22 nəfər yaralanıb.
Silopi rayonunda xəstələrin xəstəxanaya daşınması üçün zirehli avtomobillərin qoruduğu ambulanslardan istifadə edilir.
Terrorçuların istifadə etdikləri güman olunan evlərdə isə araşdırmalar davam etdirilir.
