90-cı illərin məşhur uşaq müğənnisi "Küçün İbo" hazırda səhnədən və efirlərdən uzaq həyat yaşayır.
Axşam.az-ın Türkiyə mətbuatına istinadən məlumatına görə, İbrahim Tatlısəsin vəliəhdi olaraq göstərilən ifaçı 1984-cü ildə anadan olub. Əsl adı İbrahim Halil Küçük olan müğənni İbrahimin konsertində ilk dəfə səhnəyə çıxaraq ifasıyla uzun müddət gündəmdə qaldı.
Ailəsinin onu sənətdən uzaqlaşdırmaq təhdidlərinə boyun əyməyən İbo çıxardığı albomlarla rekord qırmağa başladı. "Küçük İbo" serialı ilə fanatlarının sayını artıran gənc oğlan Hülya Avşarın proqramında onun qucağında oturmasıyla da gündəmə dəldi.
Lakin yeniyetməlik dövründə ağır psixoloji gərginlik keçirən İbo sənətdən uzaqlaşdı. İllər sonra "səsim dəyişdiyi üçün getdim" desə də, 2010-cu ildə "İbo şou"da canlı mahnı səsləndirdi. Lakin səsində olan problem artıq öz sözünü demişdi...
2013-cü ildə albom buraxdı, lakin bu da onu yenidən sevdirə bilmədi.
"Küçük İbo" hazırda məşhur olduğu vaxtlarda aldığı evində ailəsi ilə birgə yaşayır və sənətdən, televiziyadan uzaq həyat yaşayır. Ailəsinin təkidi ilə aldığı təhsil üzrə işləyən İbo musiqi dünyasına qayıtmaq fikrində deyil.
