Tokio, 6 yanvar, AZƏRTAC
Yaponiya kütləvi informasiya vasitələrinin yaydığı məlumata görə, yanvarın 6-da Koreya Xalq Demokratik Respublikası ilk hidrogen bombası sınağını keçirib.
Bu barədə hökumətin bəyanatını KXDR-in dövlət televiziyası yerli vaxtla günorta saatlarında yayıb.
JİJİ PRESS agentliyinin məlumatına görə, Yaponiya və Koreya Respublikasının meteoroloji xidmətləri KXDR-in Panqyoni nüvə poliqonu yaxınlığında Yaponiya vaxtı ilə saat 10:29 dəqiqədə süni seysmik fəallıq qeydə aldıqları barədə məlumat yayıblar.
Yaponiya Meteoroloji Agentliyinin məlumatına görə, partlayışın ocağı yerin üst qatlarında olub və təbii zəlzələdən fərqlənib.
KXDR tərəfindən üç dəfə - 2006, 2009 və 2013-cü illərdə həmin poliqonda nüvə sınağı keçirilib.
Vüqar Ağayev
AZƏRTAC-ın xüsusi müxbiri
Tokio